Miqtë e Olsi Ramës, 15% aksionarë me kinezët e parkut industrial

Në janar të këtij viti, kryeministri Rama nënshkroi një vendim të rëndësishëm qeverie, që parashikonte krijimin e një parku industrial në një territor prej 500 hektarësh në zonën e Spitallës në Durrës.
Ky vendim i hapi rrugë Ministrisë së Ekonomisë së drejtuar nga Arben Ahmetaj për të shpallur garën konkuruese mbi kompaninë që do e realizonte këtë projekt të rëndësishëm.
Ndërsa ministria e Ahmetajt përgatiste kushtet dhe kriteret e tenderit, në verën e këtij viti, vëllai i kryeministrit Rama, Olsi Rama, së bashku me dy biznesmenë niset drejt Kinës dhe atje zhvillon disa takime pune me përfaqësues të një kompanie kineze të quajtur “Zheijang Haiteng Investment Co.Ltd”.
 
(Ne foto Ols Rama me biznesmenet shqiptare Gezim Mance dhe Krivis Meci gjate vizites ne Kine dhe faksimilja e kompanise “China Investments Group”)
Olsi Rama shoqërohej në Kinë nga dy biznesmenët Gëzim Mançe dhe Krivis Meçi. Kompania kineze që ata vizituan, në një njoftim të sajin shprehej asokohe se Olsi me dy biznesmenët ishin zyrtarë të shtetit shqiptar, ndonëse asnjë prej të treve nuk mban ndonjë post shtetëror.
 
(Faksimile e kompanise “Albania Consulting Group”)
 
Gëzim Mançe dhe Krivis Meçi, që prej Prillit 2014 ishin ortakë në kompaninë e themeluar në Tiranë “Albanian Consulting & Investment Group”,  ndërsa në Gusht 2015, ata shkuan në Kinë të shoqëruar nga Ols Rama dhe u takuan me pronarin e kompanisë kineze “Zheijang Haiteng Investment Co.Ltd”, shtetasin e quajtur Xiaohe Zhou.
Dy muaj pas këtij takimi, në Tetor 2015, në Tiranë Ministria e Ekonomisë, bëri shqyrtim e ofertave të paraqitura nga kompanitë për shfrytëzimin e parkut industrial të Spitallës.
Kompania kineze “Zheijang Haiteng Investment Co.Ltd” e cila kishte lidhur ndërkohë kontaktet me Ols Ramën dhe dy biznesmenët shqiptarë dha një ofertë investimi prej 1.5 miliardë dollarësh. Në lojë ishte dhe një kompani italiane, por në njoftimin e Ministrisë së Ekonomisë për këtë kompani thuhej se “do i shqyrtohej dokumentacioni”. Është e qartë se kompania kineze shfaqet e preferuara e shtetit shqiptar për këtë biznes të rëndësishëm.
Por  sikundër tregon dokumentacioni zyrtar në Tiranë, dy miqtë biznesmenë të Olsi Ramës, kanë themeluar në Tiranë një kompani të re në Nëtor 2015, ata rezultojnë ortakë me shtetasin kinez që po fiton koncensionin për Parkun Industrial të Spitallës në Durrës.
 
(Faksimile e kompanise “China Investment Group”, ku 85% te aksioneve i zoteron Xiaohe Zhou ndersa 15% kompania “Albania Consulting & Investment” ne pronesi te Gezim Mances dhe Krivis Mecit)
 
Kompania e re quhet “China Investment Group” dhe zotërohet 85% nga shtetasi kinez Xiaohe Zhou, ndërsa pjesa tjetër prej 15% zotërohet nga kompania “Albanian Consulting & Investment Group”,   e cila është në pronësi të Gëzim Mançes dhe Krivis Meçit.
Kjo kompani e re në aktin e themelimit, parashikon si objekt të aktivitetit të saj dhe “administrimin e parqeve industriale”.
Bëhet e qartë se kompania kineze që do shfrytëzojë për 99 vite 500 hektarë të Parkut Industrial në Durrës, vetëm dy muaj pasi u shpall kompani favorite në tender, themeloi një tjetër kompani në Tiranë në Nëntor, pikërisht me dy biznesmenët që shoqëronin vëllanë e kryeministrit gjatë vizitës në Kinë.
Duket se projekti dhe tenderi i qeverisë për Parkun Industrial të Spitallës, i ka kurdisur me kohë fituesit ndërsa kryeministri Rama në vendimin e një viti më parë që i hapi rrugën gjithë kësaj historie, anuloi dhe ndërtimin e Korpusit Universitar në Durrës, me qëllim ndërtimin e kësaj zone industriale prej 500 hektarësh në Spitallë./HashtagAlbania.com/
 
(Harta e zones ku eshte parashikuar ndertimi i Parkut Industrial te Spitalles ne Durres)

 

Komentet

Comments

Ambasadori Lu, te dale te flasi per keto hajduta te prones se shqiptareve, sebashku me hofmanin dhe vllahutin

qou qij nekom e qou qi nbyth rama po ju ben, madje edhe qou qi ngoj.po ju qelbesirat nuke keno dert enveri bare 65 vite e ju e zinit makaroni tash rama lesh te pa tjerrur negjmije u jep e ju thoni shpageti.

Ky eshte 100% Konflikt interesi i paster. Korrupsion deri ne palce. Ky Rama dhe keta, jane njesoj si PD! E tmershme. Kjo "Rilindje" eshte nje sarkazem cinike per popullin budalla shqiptar. Sepse kjo eshte rilindja e bizneseve te PS pas PD dhe Fatos Nanos. Uqer te pangopur. Nen petkun e rames forcim shteti dhe ligji?? Vjen forcimi i bizneseve te tyre. Kriminela qe duhen me doemos te varen, nga drejtesia e popullit. Si ata te PD,LSi dhe PS.

Hi Mr Lu. Do you know anything about this business. It is much more than a watch. Pra dicka me shume se nje ore dore

Hi mr Lu. Do think this business is much more than a watch ? Pra biznes ma i madh se nje ore dore

Me vje keq qe na zhgenjeu kaq shume!!te iki nje ore dhe me pare,problemi eshte kush do vije....shpresoj qe nese vjen basha,do mendoji me shume per SHQIPTARET ,se per xhepat dhe per miqte!Por kemi humbur besimin,dhe kjo eshte shume e trishtushme :((((

Add new comment